من الاسلام للمسيحية وبالعكس

هذه التدوينه ليست للمفاضلة بين الاسلام والمسيحية ولا اقصد بها الهجوم على اى شخص بعينه ولا ادعى انها تنطبق على كل حالات الانتقال من دين الى دين ولا حتى كل من اعرفهم انتقلوا من دين الى دين ولكنها ملاحظة على بعض المتحولين من الاسلام للمسيحية والعكس اردت ان احفظها لا اكثر 

 هناك مجموعة من الشبهات المحفوظة حول الاسلام والمسيحية يلوكها المتناقشين من الجانبين ويرددونها بيقين مطلق لا ياتيه الشك ابدا رغم ان بعضها قد يكون من السذاجة لمرحلة غير محتملة مثل ان المسلمين يعبدون القمر او التشابه بين يسوع وزيوس على الجانب المسيحى ويظل كل طرف يرفض بكل الادلة والبراهين مايقوله الطرف الاخر ويستمر حوار الطرشان اطول فترة ممكنه حتى يحدث ان ينتقل احد المتناقشين الى الطرف الاخر فتجده يلوك نفس الشبهات التى كان يكذبها امس بنفس الحماس 

وما استعجب له عندما كان هذا او ذاك يرفضون هذه الفكرة او تلك وينكرون بهذا الحماس اى منطق كانوا يعتمدون عليه ام انهم كانوا يرددون كالببغاوات وعندما انتقلوا من دين الى اخر تحولوا الى ببغاوات ايضا لكن على الجانب الاخر 

ظهورات العذرا حسابات المكسب والخسارة

فى ظل حضرة العذرا فى الوراق نكتب هذه السطور التى لا تهتم بنفى او اثبات علاقة ما يظهر فوق صليب الكنيسة فى الوراق بالسيدة مريم ام سيدنا المسيح لكن تهتم فقط بحسابات المكسب والخسارة كشئ مادى ملموس نستطيع تقييمه والحكم عليه بعيدا عن التساؤل حول ماهية شبح العذراء الظاهر فوق الكنيسة

اولا المكاسب

  تثبيت الشعب القبطى الارثوذوكسى على معتقده وايمانه القويم ضد كل المشككين

اضافة كم اكبر من القدسية حول الكنيسة التى يختارها الشبح للظهور فوقها 

زيادة المهابة والرجاء عند العوام تجاه اباء الكنيسة 

الاخبار الوارده عن شفاء اصحاب العاهات وذوى الاحتياجات الخاصة تدفع كم كبير من ضعيفى التعليم من مسلمين ونصارى الى تجربة طريق الكنيسة طلبا للشفاء

الترفيه والتسريه عن الاقباط بانه مقابل الظلم الذى يشعرون به فان العذرا بجانبهم 

واخيرا نقطة مضافة للجانب المسيحى فى النقاش الاسلامى المسيحى المشتعل على الانترنت وشاشات الفضائيات

  

ثانيا الخسائر  

فقدان الكنيسة  للواجهة الحداثية التى تحاول استخدامها وتسويقها للاخرين حيث ان التفكير العلمى القويم يحتم دراسة ظاهرة هذا الشبح او هذا الطيف بسرعة وتجميع العلماء من اجل هذا فان كانت ظاهرة طبيعية ذكرت الكنيسة هذا وقد حافظت على مصداقيتها لدى الجميع حتى من ليس على نفس ايمان الكنيسة الارثوذوكسية وان كان ظهور حقيقى للقديسة العذرا فيكون بهذا على الكنيسة دراسة سبب الظهور وهل هو علامة رضا ام علامة غضب بل وان ينظروا ايضا فى نصوصهم واناجيلهم لكى يستطيعوا ان يفسروا ما الذى يدفع ام المسيح وهى على مالها من قدسية ليست افضل من المسيح فلماذا تنفرد بالظهور دون كل شخصيات الكتاب المقدس

ظهور الطيف دون اى دراسة او حتى نية الدراسة من الكنيسة يسمح لمجموعة من اعداء الكنيسة بتوجيه اتهامات التدليس والدجل اليها

عدم وجود التوثيق العلمى للظاهرة يضع الاقباط انفسهم فى موقف غاية فى الحرج حيث يبدو المواطن الارثوذوكسى المسكين الذى يصوم ثلاث ايام كل عام لانتقال جبل المقطم من مكانه فى عهد الخليفة المعز لدين الله الفاطمى كشخص ابله يؤمن بالاساطيرغير الموثقة مثل امنا الغولة وابو رجل مسلوخة 

اما اخر خسارة فهى للكنيسة وشعبها معا فقد اتضح ان الكنيسة قد قامت بمعجزة اكبر كثيرا من معجزة ظهور العذراء وهى هدم قدسية الدين فى صدور عامة الارثوذوكس الذين ظلوا يهتفون هوبا هوبا هوبا العدرا فوق القبه - بص شوف العدرا بتعمل ايه وهو هتاف لو قيل لممثل مثل محمود ياسين لاعتبره اهانه فما بالكم بالاف المسيحيين والمسلمين يرون هذا الهتاف الصفيق يوجه لخير نساء العالمين

تعليقا على احداث عزبة الهجانه

قصة للكاتب الليبى المبدع احمد ابراهيم الفقيه رغم انه كتبها من سنين عن قرية مربط الحمير فى ليبيا  الا انها تعبر بقوة عن كل مكان فى الوطن العربى المحاصر بعساكر الامن المركزى 
انقر على العنوان لتحميل القصة  

في هجاء البشر

ومديح الحمـــير

معركة صاحب الحمار

محمد البرادعى سياسة لاعب الشطرنج

كن مع الناس كلاعب الشطرنج خذ كل ما معهم واحفظ كل ما معك

بديع الزمان الهمذانى

اول ماعرفنا البرادعى كان عن طريق وكالة الطاقة النووية بعد 11 سبتمبر لنفاجئ بشخص مصرى فى قلب الاحداث العالمية يعارض امريكا فى حدود وظيفته ثم اتى فوزه بجائزة نوبل 
الفوز الذى حاول الاعلام الحكومى تصويره على انه انتصار حققه الحزب الوطنى وان كل مصرى يمكنه الفوز بجائزة نوبل فقط اذا استمع جيدا لحكمة السيد الرئيس 

الى هنا ولا نذكر للرجل اى شبهة تدخل فى الشئون المصرية سلبا او ايجابا فلا نذكر له مدحا او قدحا فى النظام الحاكم رغم قدرته التامة على المدح او القدح دون ادنى خوف لما يمثله منصبة من حصانه له حتى بعد ترك المنصب

ومع اقتراب عام 2011 وهزيمة كل الفصائل السياسية المصرية -الاخوان - كفاية - حزب الغد - الناصرى - طلعت السادات والعائلة - الخ .... معنويا ووجود الاحساس العام لدى كل المصريين بان كل الموجود على الساحة غير صالح للتغيير بدأ الناس فى التطلع لنموذج ناجح يخرجهم من حالة الفشل العامة فظهر عدد من الاسماء الناجحة على راسها زويل والبرادعى وعمرو موسى وستجد ان هناك مجموعة من الصحفيين قاموا بترشيحات اقل اهمية مثل طبيب نابغ او مهندس مرموق وتجمع كل الترشيحات صفة واحده النجاح فى الحياة العملية

بعد شهر تقريبا من بداية الترشيحات فوجئنا بالبرادعى يتحدث لقناة سي ان ان الاخبارية عن نية الترشح لرئاسة مصر لكن بشروط وشروطه ببساطه هى ان يكون هناك انتخابات لا مهزلة مثل كل الانتخابات المصرية

ويجب ان ننوه ان ارادة التغيير عند الناس هى ضمان ولاء لاى شخص يعادى مبارك وعائلته - ولائى انا شخصيا ايضا - ويبدو ان البرادعى يفهم ذلك جيدا فهو لا يتحدث الا عن التغيير وهو المطلوب دون الدخول فى اى تفاصيل عن شكل التغيير واراه فى هذا موفق وذكى فالحزب الوطنى يحجب عننا كل المعلومات عن كل القضايا المستعصية وهو مايجعلنا نسمع عناوين فقط فاى اقتراح لتغيير مفصل من الخارج سيكون اقتراح غير مبنى على اسس علمية ولكن فى نفس الوقت لا نغفل ان عدم الحديث عن التفاصيل يجمع حولك اكبر عدد من انصار التغيير لكن مع بداية الحديث عن نظام اقتصادى راسمالى مثلا فان هذا يجعل مجموعة اليسار تنفر وهو ما لا يريده البرادعى فى هذه المرحلة على الاقل 

نظام مبارك يعتمد فى استقراره على مجموعة نقاط اهمها دعم الولايات المتحده ويليه حالة الفرقة الداخلية فى مصر مثل المسلمين والاقباط , اليسار والاخوان والليبراليين , الاخوان والسلفيين والصوفيه , الارثوذوكس والبروتستانت , المطبعين والشرفاء 

ومما سبق يتضح ان البرادعى يتعامل بذكاء مقلق ولكنه غير مرفوض مع النقطة الثانية  وتبقى النقطة الاولى التى تبدو ضبابية اكثر من اللازم فالبرادعى غير محدد الموقف من الولايات المتحده وربيبتها اسرائيل رغم ان هذا الملف ليس فيه عذرا مثل ملف الاصلاح الداخلى المبهم بسبب بوليسية الحزب الوطنى فى التعامل لكن ملف العلاقات الخارجية ملف مفضوح بالمعنى الحرفى للكلمة وقد سبب العديد من الاهانات للمصريين مؤخرا

يمكن القول ان البرادعى لا يريد ان يخسر احد فى هذه المرحلة على اساس ان العداء لامريكا يقضى على اى امل فى منصب الرئاسة وبالتالى اى امل فى التغيير ونرد على هذا بان الموقف المحايد من امريكا اخطر كثيرا حتى من العمالة الصريحة لامريكا

فالموقف المحايد يجعل الرئيس مبارك فى اضعف موقف ممكن امام ادارة الولايات المتحده وادارة اسرائيل ايضا وهو من الاساس ضعيف حيالهما فيظل البرادعى فزاعة يؤمر الرئيس باى شئ من خلالها فيطيع لكن لو صرح بالعماله لانفض عنه الناس وعاد الرئيس لحالة الضعف المعتاده دون زياده كارثية 

وفى المقابل لو صرح علانية بالعداء لاسرائيل فلن يخسر كثيرا حيث ان الادارة الجديدة فى الولايات المتحده ليست متحمسة للتدخل فى شئون بلاد اخرى  وهو ما يعنى ان الامر لن يزيد عن خسارة بعض الاصوات الموالية لاسرائيل من المثقفين المصريين

والتضحية بالملك فى سبيل حماية الفيل هى فكرة غير موفقة على الاطلاق     

دفاعا عن الاعلام التحريضى فى مصر

وانا صغير كان كل العيال بتضربنى لما كنت انضرب كنت اتكسف اقول لحد ولما اشوف اللى ضربنى استخبى عشان ماضربش تانى لكن المشكله كانت بتحصل لما عيل واطى يروح يقول لاخواتى الكبار الحقوا اخوكم بينضرب فكان ييجوا جرى

مش عشان ينقذونى لكن عشان يضربوا اللى ضربنى وبعد كده يعدوا يهزقوا فيا ويشتمونى

المشكله اللى ضربنى المره دى ضربنى فى السودان وسافر بعدها على الجزاير وانا بقيت غبى قاعد طول النهار فى التليفزيون اقول انى انضربت واخواتى واقفين محاصرين السفارة الجزائرية

بلاش شعارات بقى ابوس ايدكم

هى المصيبة كلها فى الشعارات لو حذفناها هنقدر نشوف

شيل الشعارات وفكر اولا هوضح كل الشعارات اللى مش مطلوبة خالص

1. كرامة مصر فوق كل شئ

2. العرب اشقاء واخوة

3. المصريين شعب متحضر

4. الجزائر شعب همجى

5. المصريين شعب همجى

6. الجزائر شعب متحضر

مش مهم اننا ساعدنا الجزاير او ان الجزاير ساعدتنا كل ده كلام فارغ بجد وهو اوسخ كلام فى الموضوع

يعنى لو حد ساعدك يضربك هما اشترونا بالكام عيل اللى جم حاربوا ولا احنا اشتريناهم سيبكم من الهبل ده كله

لو قلنا ان الجزاير مسلمين زينا فالاسلام مقالكش انضرب من اخوك المسلم واسكت خلاص انتهينا من كل القصص دى نتكلم بقى

اول حاجة مجموعة تساؤلات

هى ايه الجريمة مين المصابين فيه كام مصاب اصابتهم عامله ازاى ؟؟

حسب القانون المصرى لو هيتعالج فى اقل من 21 يوم تبقى مش جنايه ولا تستحق تدخل السلطات

لو حد اصيب بعاهه مستديمة او انقتل او حاجة زى كده لازم يحصل تحقيق ونختصم الفيفا والسودان والجزائر عشان التلاته مسئولين

طبعا لو مفيش جهة نقدر نشتكى لها ونكون واثقين فى نزاهتها يبقى دى مصيبه اكبر بكتير من حوادث شغب بعد ماتش والمفروض اننا ننسحب من اى تجمع او منظمة مانقدرش ناخد فيها حقنا بشكل قانونى

لو عندكم تلعبوا كورة وتتظلموا مش مشكله يبقى تتكتموا وماسمعش حس اى خ.... منكم بعد كده

ده كده بالنسبة للمحور الاول ندخل بقى على الاعلام

اول حاجة الاعلام الجزائرى لا يخاطب الشعب المصرى وغير مهتم بيه ولا يؤثر على المواطن المصرى باى شكل مباشر فمالناش حق الاعتراض اصلا يعترض عليه اللى بيشتريه ولو عاجب الجزائريين هما احرار

الاعلام بتاعنا هو اللى يهمنا

دلوقتى الاعلام بتاعنا بيدعى ان الاعلام الجزائرى لسه بيهاجمنا بضراوة وده كذب فاضح

جريدة الهداف الجزائرية ناشرة مقال فى صفحتها الثالثة بعنوان العداله الالهية يتحدث بكمية كبيرة من الموده عن مصر واهل مصر

وعموما وتيرة الخلاف مع مصر قد خفت بشكل واضح

ولم يوضح الاعلام او ينوه بهذا الامر ورايى الخاص ان الاعلام ينقل لنا مايريده من الصوره وليس الصورة الكامله

المحور الثالث دولة الجزائر والرئيس بوتفليقة

الرئيس الجزائرى مازال فى حركة التصعيد ضد مصر على ما اظن - معلومات غير مؤكده مستقاه من وسائل اعلامنا الكاذبه - وهو ما يجب ان نطالب بوقفه ان كان صحيحا والمطالبه عن طريق جامعة الدول العربيه فان فشلت المطالبه فعلى الجامعه باخذ قرار مرضى لنا والا فعلينا الانسحاب من الجامعة العربيه

لو الحكومة مش هتسمع كلامنا فى الموضوع ده يبقى دى مشكله اكبر من ماتش الجزائر ونحلها الاول او نتكتم ومسمعش صوت اى خ.... تانى

ياترى مين عنده النفسيه انه يقرا كلامى ده لأخره بعيدا عن احلام الاخوة والقومية العربيه واباطيل الكرامة المصريه المهدره

لما الرسول جه كان العرب قبائل بتحارب بعض مقالهمش انتم اخوة ولازم نتحد قال لازم نقول لا اله الا الله يعنى لو اتحادنا على باطل قلته احسن

لعله خير

رغم كل الهرج اللى حصل حوالين مباراة مصر والجزائر انا شايف انها ممكن تكون بداية كويسة يعنى اقل حاجة كل واحد قال اللى فى نفسه والأهم من كده شفنا النتيجة الناس كلها شمتانه فينا بداية من اسرائيل لفرنسا لانجلترا لكل الناس فهمنا احنا قد ايه هايفين وصغيرين عشان 120 مليون بنى ادم بيعادوا بعض عشان خاطر 22 جزمه يمكن دى تكون بداية اننا نحط كل حاجة فى حجمها الحقيقى نفهم بقى ان الفراعنه ماتوا من زمان وماسابوش غير جتتهم وشوية حجارة فرجة للى رايح واللى جاى انا معرفش كتير عن الجزاير بس اكيد الداء هو الداءوطالما المرض بان يبقى مش فاضل غير علاجه

الاسبوع اللى فات كان نفسى مصر تتغلب من الجزائر عشان الناس تفهم ان عيب اوى ان فرحتهم الوحيده تبقى ماتش كوره لكن ربنا كان كريم معانا حسسنا ان الماتش ده حاجة رخيصة اوى انك تعادى عشانه اى حد

الاعلام المصرى هدى جدا بعد يوم الحد والناس سكتت والسفه قل يارب دايما على فكره سواء كسبنا او خسرنا فى السودان باذن الله الهبل خلص ومش هيحصل المهرجان الاهبل بتاع كل بطوله او على الاقل هيقل

صـلاة الـنـبــى تــمـنع ابلـيــس

هـــيـه الـــفـايـده والــــتـجـاره

ياما نـاس حـزاتها بالـكـيــس

مـاتـوا مـا نـالـوا الزيـــــــارة

طبيب الجرايح قوم الحق

وهات لى الدوا اللى يوافق

فيه ناس كتير تعرف الحق

ولجل الضرورة توافق

من الاشعار الشعبية المصرية

وَاخْتَارَ مُوسَى قَوْمَهُ سَبْعِينَ رَجُلاً لِّمِيقَاتِنَا فَلَمَّا أَخَذَتْهُمُ الرَّجْفَةُ قَالَ رَبِّ لَوْ شِئْتَ أَهْلَكْتَهُم مِّن قَبْلُ وَإِيَّايَ أَتُهْلِكُنَا بِمَا فَعَلَ السُّفَهَاء مِنَّا إِنْ هِيَ إِلاَّ فِتْنَتُكَ تُضِلُّ بِهَا مَن تَشَاء وَتَهْدِي مَن تَشَاء أَنتَ وَلِيُّنَا فَاغْفِرْ لَنَا وَارْحَمْنَا وَأَنتَ خَيْرُ الْغَافِرِينَ [الأعراف : 155]

مصنع الدلتا للصلب

الله يرحم عبد الناصر لو كان لسه عايش كان زمانه بينتحر

اهتفوا باسم الاله

بحلم اشوف حد بيحكم مصر مفيش فى اسمه كلمة مبارك

الرويبضة

قال رسول الله صلى الله عليه وسلم
سيأتي على الناس سنوات خداعات ، يصدق فيها الكاذب ، و يكذب فيها الصادق ، و يؤتمن فيها الخائن ، و يخون الأمين ، و ينطق فيها الرويبضة . قيل : و ما الرويبضة ؟ قال : الرجل التافه يتكلم في أمر العامة
الراوي: أنس بن مالك و أبو هريرة المحدث: الألباني
خلاصة الدرجة: صحيح

بس شي

عبارة كان ابويا الله يرحمه دايما يرددها عند اخباره بالعزم على اى حاجة جديدة ومعنى العبارة المهم ان تظهر اى نتيجة من اى نوع
انا زهقت بقا نفسى اعمل اى حاجة يكون لها نتييييييييجة

البنت اللى أختى جابت لها البسكويت

كانت فى بنت مع اختى فى المدرسة فى الاعدادية البنت كانت متفوقه وفى يوم فى اخر السنه بعد الناس كلها ما قعدت فى البيت عشان تذاكر محضرش من الفصل كله غير البنت دى واختى فانتهزت صاحبتنا الفرصة وقعدت تشتكى لأختى انها مش عارفة تذاكر والمواد كتيرة وصعبة وبدأت تعيط فصعبت على اختى جدا قعدت تطبطب عليها وتحاول تهديها وخدتها واشترت لها بسكويت - مكانش لسه اسمه بسكوت - وفى اخر السنه البنت طلعت الاولى على المدرسه بفرق 5 درجات عن اختى وفضلت ذكرى البسكويت تؤلم أختى كل اما تفتكرها ودخلوا كلهم ثانوى عام وبعد تلت سنين يشاء السميع العليم انهم يجتمعوا فى نفس الفصل مرة تانية فى الثانوية العامة وقرب اخر السنه بس كان الفصل مليان البنت خرجت مابين حصتين وندهت لأختى -ملحوظة : العلاقة كانت فاترة جدا مابين الحادثتين - وبدأت تشتكيلها ان المواد صعبة وطويله فاختى كانت اتعلمت الدرس قالت لها كلنا كده مش انتى بس راحت معيطه فاختى سكتت فبدأت بالنحيب واختى بردو فضلت ساكته لحد البنت لقت مفيش امل فسكتت المهم فى اخر السنه صاحبتنا دخلت صيدلة واختى دخلت علوم المشكلة ان اعدادى صيدله كانوا بياخدوا وقتها محاضرات كتير فى علوم فكل اما اختى تشوفها كانت تهرب منها - مكانتش ناقصة ذل - واختى فى سنه تالته فى علوم قابلت صديقة مشتركة فبدأت تسرد عليها اخبار الشلة القديمة وطبعا الخبر اللى يهمنا ان البنت بتاعت صيدلة اتجننت ودخلت مستشفى العباسية وبعد كده اختى اتخرجت واشتغلت فى الوزارة بتدرس كمبيوتر للمرحلة الاعدادية وانهارده اختى افتكرت القصة دى لما شافت ولد بعد لجنة الثانوية العامة بيقول انا محلتش حاجة وانا خايف وزميله بيقوله كل مرة تقول كده وفى الاخر انت اللى بتجيب الدرجة النهائية كان نفسها تفهمه ان فى الاخر مفيش فرق هى اتجننت وانا اشتغلت مدرسه نفس الوضع تقريبا وحتى لو مكانتش اتجننت كانت هتبقى ايه يا بقاله يا مندوبى مبيعات

انا قلت اعرض وجهة نظرها من باب الامانه العلمية ومحاولة للبحث عن اماكن افضل لاستغلال مجهودنا

عادل .......... إمام المنحلين

النجم عادل امام مازال يتحفنا بفحولته المتوقده من عمل الى اخر وقد قررنا استقصاء سيرة فحولته من خلال افلامه لتوثيق هذه الظاهرة الذكورية الوافده على نجمنا المحبوب وتحديد بداية انطلاقها آملين فى ان تكون نهايتها قريبة والا تكون هذه النهاية هى نهاية نجمنا سوف ندرس الظاهرة من باب الاستمرارية بمعنى انه سنؤرخ لبداية الظاهرة ببداية مجموعة الافلام التى يمارس فيها عادل الامام شبقه الجنسى غير المعتاد بشكل مستمر

تبدأ الظاهرة مع فيلم المنسى ولن ينسى احد الدور المميز للفنانه دينا واحلام عادل الامام العفيفة ثم لا يسعنا ان ننسى ايضا الممارسات البريئة بين نجمنا والنجمة يسرا التى تحملت ومازالت تتحمل الكثير

وتستمر الظاهرة فى فيلم الارهابى حيث يطلب عادل امام العلم من الممثله الصاعده فى ذلك الوقت حنان شوقى وسنلاحظ خلال متابعتنا للظاهرة مدى اهتمام عادل امام بالممثلات الصاعدات وهذه هى اخلاق النجوم

ثم ننتقل مع الظاهرة الى رساله إلى الوالى الفيلم الذى يثبت فيه عادل امام ان فحولته كانت من التاريخ وان رجال مصر لم يكن عندهم حياء على مر التاريخ -فى الحق- ـ

يمكننا الان الطيران مع طيور الظلام الفيلم الذى قالت فيه نجمتنا يسرا عبارتها الشهيرة - هو مالوش فى البوس - تقصد المحامى الملتحى وبالطبع لم تكن لتجرؤ ان تتهم عادل امام بهذه التهمة وهذا ايضا يحتوى على ممثله شابه مارس عليها عادل امام فحولته دون ان تفعل اى شئ اخر يذكر فى الفيلم

فى الجزء الاول من فيلم بخيت وعديله كان اهم تعليق لعادل امام على الاحداث اثناء الفيلم -هو احنا ليلتنا فل ولا حاجة
اما فى الجزء الثانى الجردل والكنكه فكان - هو احنا ليلتنا فل ولا حاجة
اما الجزء الثالث فكذلك - هو احنا ليلتنا فل ولا حاجة

النوم فى العسل فيلم يهتم بالفحوله عند جموع المصريين ولهذا نحن نحيى صناع الفيلم على اختيار عادل امام اكثر من دافع عن فحولته فى تاريخ السينما المصرية والعالمية ايضا

بعد هذا الفيلم تبدأ مرحلة جديدة فى حياة فحولة عادل امام الفنية مرحلة النضج والرشد والرشاد
فهذه المرحلة تتميز بان الفحولة اصبحت مسيطرة على الدراما حتى وان لم يكن هذا واضحا فى القصة الاصلية الا ان الفحولة تتضخم كوحش اسطورى يفح النار من بين شفتيه لتحرق ما سواها من الموضوعات

تبدأ المرحلة بفيلم الواد محروس بتاع الوزير وقد كانت المنافسه على اشدها فى هذا الفيلم بين عادل امام وكمال الشناوى لكن انتصر عادل امام وهو مايوضح ان النصر لا يتحقق من فيلم واحد

أمير الظلام الذى يدرك كل شئ بالتحسيس وبهذا الاسلوب ادرك عادل امام فى الفيلم الممثله شيرين سيف النصر

التجربة الدنماركية تجربة ان تخلع ملابسك كم كانت تجربة شيقة بالنسبة لعادل امام خصوصا عند ممارستها مع الممثله اللبنانية الصاعده فى ذلك الوقت نيكول سابا ويجب هنا ان نؤكد على اهتمام عادل امام بالسماح للممثلين العرب بممارسة اعمالهم الشريفة فى القاهرة

عريس من جهة امنية وهنا تظهر نار فحولة عادل امام اللافحة التى التهمت القصة الاصلية وشريف منير وحلا شيحة فى مقابل اله فرعونى قديم دعاه عادل امام فى الفيلم باله المسخرة

السفارة فى العمارة هذا الفيلم يتحدث عن المواجهة الصعبة بين الكيان الصهيونى الغاصب وفحولة عادل امام التى استغلها الاسرائيليين لكى يبيع القضية لكنه ظل متمسكا بالقضيه (فحولته) مع ممثلة ضيقة العينين بخلاف الممثلة الصاعده داليا البحيرى

عمارة يعقوبيان فيلم يقدم فيه عادل امام شخصية عجوز متصابى وللعجب كان اقل افلام عادل امام فحولة ولنا ان نسأله عن سر غياب فحولته عن هذا الفيلم

مرجان احمد مرجان ... بوس الواوا الملابس الداخلية اللى انتى لابساها من مصانع مرجان

بوبوس : يعرض حاليا فى دور العرض وندعوكم جميعا لمشاهدته على بينه مما سبق مع الاخذ فى الاعتبار حرمان عادل امام من ممارسة فحولته فى الفيلم السابق حسن ومرقص (ازدراء اديان)ــ

وبعد استقصاء هذه الظاهرة المحيرة نرجو من حضرات القراء ارائهم فى سبب سعى النجم المحبوب لتأكيد فحولته وهل الامر يتعلق ببدايته الفنية ام باشياء ابعد من ذلك وهل يفيد العلاج النفسى لعلاج الظاهرة ام نحتاج لتدخل جراحى من نوع ما ؟
اسئله حائرة نختم بها دراستنا المتواضعة آملين ان نجد لها اجابات في الايام والشهور القادمة

إن الناس قد جعلونى جسرا على النار

قال الخوارزمى أن الإمام أبى حنيفة اجتمع معه نحو ألف من أصحابه أجلهم وأفضلهم أربعون قد بلغوا حد الاجتهاد فقربهم وأدناهم وقال لهم إنى ألجمت هذا الفقه و أسرجته لكم فأعينونى فإن الناس قد جعلونى جسرا على النار فالمنتهى لغيرى واللعب على ظهرى فكان إذا وقعت واقعة شاورهم وناظرهم وسألهم فيسمع ما عندهم من الأخبار والآثار ويقول ما عنده ويناظرهم شهرا أو أكثر حتى يستقرآخر الأقوال فيثبته ابو يوسف حتى أثبت الأصول على هذا المنهاج شورى لا إنه انفرد بذلك

منقول من كتاب الاكتساب فى الرزق المستطاب للشيبانى

اهداء خاص الى احمد هشام

بنت ايطالية عامله استفتاء ؟؟ بس مش دى المشكله !!ـ

وصلتنى رساله على الفيس بوك بتتكلم عن استفتاء عاملاه بنت ايطالية عن
من الذى انتهك حقوق الانسان اسرائيل ولا حماس والاختيارات هى

اسرائيل لأنها استخدمت قنابل فوسفورية

حماس عشان استخدمت دروع بشرية

الاتنين

ولا واحد

بقية الرساله
يرجى التصويت لقلب النتيجة الموجودة حاليا و دعوة كل اصدقاءك للتصويت
انصار العدوان الغاشم شغالين فماذا انت فاعل؟؟
انصر الحق واختر: اسرائيل بالقائها قنابل الفسفور على المناطق السكنية
افتح الرابط واختر رقم واحد

اولا كده بالصلاة على النبى ايه لازمة الاستفتاء ده واخواته عشان يوجعوا دماغنا بيه يعنى مين هى البنت الايطالية دى وياترى لو بقت رئيسة وزراء ايطاليا الاستفتاء ده هيغير وجهة نظرها ولو اتغيرت يعنى هتعمل ايه

ثانيا البنت عامله الاستفتاء بالايطالى يعنى هى بالعقل بتحاول ترصد عينه من متحدثى الايطالية وتعرف رأيهم فى الموضوع ايه دخلنا بقى بالموضوع يعنى ممكن اتفهم حد ياخد النتيجة ويقول والله يا جماعه احنا لازم نعرض قضيتنا بشكل افضل فى ايطاليا لكن اننا نتدخل من غير فهم مستغلين الحماسة الطفولية ده افساد وتزوير كمان يعنى هيظهر الامر ان الناقمين على اسرائيل كتير فى ايطاليا وده مش حقيقى

تالت حاجة بيملى عليك الاختيار اختار رقم واحد لا تضل جاهد فى سبيل الله على رقم واحد ليه مثلا مايقولش حكم ضميرك يعنى فى حد عنده ضمير هيشوف حماس مجرمين اكتر من اسرائيل ليه طريقة التلقين دى انت باعت اللينك لأطفال

المهنه ايه ؟

قد سمعت هذه القصة ولا استطيع تحديد مدى صدقها
القصة باختصار ان احد المواطنين استخرج بطاقة الرقم القومى حديثا فاكتشف خطأ فى البطاقة حيث ان مهنته الاصلية صايغ
كتبوها فى البطاقة صايع

الكبير فى اخر القايمة ليه

ادخلوا شوفوا الظلم
السنة الجاية ان شاء الله تبقى فى اول القايمة يا كبير

والد الأراجوز

انا والدى كان أراجوز..
وكان راخر جميل الصوت ..
والزعبوط..
وفى يوم من الأيام ..
خللى بالك معايا ..
هنا العقده .
ندهه الملك ..
وده كان ملك أعظم من العمده ..
وعينه .. مضحك ولى العهده ..
وقاله يا ألعب من القرموط ..
تضحك الولد .. أعلى مراتبك ..
تبكى الولد .. أقطع رقبتك ..
أفهم كلامى .. وأمشي بالمظبوط ..
أنا والدى الله يمسيه بالخير ..ماكنش ناقصه .
طلع سلاح أبيضانى .. وقطع رقبته بنفسه ..
راح الولد فى البكا .وأنا والدى مات مبسوط .
أنا والدى مات مبسوط عشان عكس امر املك ..
أيام ما كان الملك .. ملك ..
ومصروف الأمل مضغوط .
من يومها وأنا عندى جيوب انفيه ..
وعيونى كما الحنفيه .
والدمع منى و في .
بحر ماله شطوط ..
*****
فؤاد حداد

لافتة...هكذا تحدّث خوفو

بقلم/ أحمد مطر...

اسْمي خوفو..
وَاسْمي يُفصِحُ عَمّا أعْني.
يَعني أنّي
خَوّافٌ أَتَحاشَي خَوْفي
بالتَّخويفِ
فَخافوا مِنَّي!

||
بالصُّدفَةِ قُمتُ عَلي عَرْشي
وَبِها سأُسَمَّرُ في نَعْشي.
وَبكُلَّ الحالاتِ..سَأمشي
وأظَلُّ بِدُنياكُمْ أمشي!
فَعَلي رَغْمِ مُني المُتَمَنّي
لي جِنّيٌّ يَحفَظُ أمْني
وَيُقَرِّرُ لي ساعَةَ دَفني.
وَهْوَ رأي في أمري أمْراً..
أقصَي مَنْ هُمْ أدني شَرّاً
وَعَفا عَنّي.
فانْدَهِشوا لِفُنونِ الجِنِّ!

||
لا يَخْدَعُكُمْ غابِرُ سِنّي
أو طُولُ غِيابي عَن ذِهْني
أو صَحْوي بالإغماءاتْ.
ذلِكَ طَبْعُ المُومْياءاتْ!
لكِنّ العِبْرَةَ في الفَنِّ
إذْ ما زِلتُ بِرَغْمِ فَنائي
أَنفي أو أسجُنُ أو أُفني
وَأصُبُّ الّليلَ بِأعيُنِكُمْ..
فَسَلُوا مُطرِبَكُمْ عَن فَنّي
هَل يُمكِنُهُ حيِنَ يُغَنّي
إقصاءُ (الّليلِ) عَنِ (العَيْنِ)؟!

||
لا تَقَعُوا في سُوءِ الظَّنِّ
أنَا ما زِلتُ بأحسَنِ حالٍ..
أَربِطَتي مِن أجْوَدِ قطنٍ
وحَنُوطي مِن أفضلِ تُبْنِ.
أصبحتُ رمَيماً.. لكِنّي
بِقرارَةِ تابوتي أَبني
تابوتاً مَلَكِيّاً لاِبْني.
لَنْ أحرِمَكُمْ مِنّي أَبَداً..
وإذا طارَ رَميمي بَدَدَاً
فابني سَيُعَوِّضُكُمْ عَنّي!

||
اسْمِي خوفو..
خوفو البُنِّي.
وابني خوفو.
خوفو الأصفَرُ كالجُبْنَةِ
مِنَ فَرْطِ الجُبْنِ.
فَخُذوا مِنّي.. وخُذوا عَنّي.
لَن تَجدوا في الأرضِ جَمالاً
كَجَمالِ ابني
أو حُسنْاً أروَعِ مِن حُسْني