Tuesday, August 10, 2010

وقائع صلاة القيام




نزلت اصلي القيام في مسجد السلطان حسن تاركا خلفي العديد من المساجد الاقرب الى بيتي نظرا لحبي لهذا المسجد واعجابي بشيخه لكنى فوجئت باتنين عساكر امن مركزي يمنعون المصلين من الدخول - فى رمضان وقت صلاة العشاء يا لهوي - ايه في ايه قالوا اصلهم بيصوروا جوا وهو عشان بيصوروا يتمنع النالس من الصلاة ليه يعنى رد العسكري حسنى مبارك اللى قال كده روح قل له ليه 


سأل احد الممنوعين هو مين اللى بيصور رد العسكري عمرو خالد وانا اردد في نفسي بقى عشان برنامج دينى يمنعوا الناس من الصلاة ده ايه الجمال ده 

ثم استسلمنا ودخلنا مسجد الرفاعي حيث قاموا بترك ابوابه الخلفية مفتوحة واغلقوا الابواب الموصلة لمسجد السلطان حسن وبعد صلاة العشاء وركعتين من القيام فوجئنا ببعض الاشخاص يعبرون في الممر بين مسجدي السلطان حسن والرفاعي فعلمنا انهم فتحوا الباب فخرجت من الباب وتوجهت لمسجد السلطان حسن ودخلت هذه المرة وكان التصوير مستمرا  وكان المذيع معتز الدمرداش والضيف عمرو خالد

قابلت داخل المسجد شاب سالنى عن مكان الميضة وبعد ان اخبرته سالنى هو عمرو خالد قاعد برا وسايب الصلاة على فكره الناس دي الموضوع بالنسبة لها شغل وكان ردي عندك حق  

قبل بداية صلاة التراويح توجه احدهم الى امام المسجد يتكلم معه لم اسمع بالضبط ما قاله لكن كان رد الامام وماذا افعل فاحتد عليه الرجل قولهم يفتحوا ابواب الرفاعي الناس عاوزة تيجي ثم خرج هذا الرجل بعد انتهاء الصلاة توجه الشيخ ومعه اثنان اخرون الى معتز الدمرداش الذى اعتذر للشيخ عن هذا الموقف السخيف ثم بدأ الفقرة التالية من البرنامج مع داعية شاب اخر اظن انه معز مسعود

2 comments:

Anonymous said...

الكلام ده امتى يا ريس ؟

Rateb said...

امبارح اول صلاة قيام في رمضان 1431 الموافق لاغسطس 2010